Khushi
tu aati hai kuch pal kay liye, aur insaan ko maloom hi nahin parta kay
beshumaar dukhun main kahin koi aisay pal kab aye aur kab chalay gaye.
Chehray par aik muskurahat liye bhagtay bhagtay Shaheen Complex tak
pohoncha aur bus main sawar huwa. Bus main hamesha ki tarhan rush tu
buhut tha per seat mil hi gaye kisi na kisi tarhan. Mairi khushi ki
inteha na thi, dil ki dharkanon ko jaisay kisi nay itna barha dala hu
kay sansain bhi ataknay lagi. Mairi muskurahat dekh kar sath baithay
bhai sahab ko taajub hunay laga, wo bhi sochtay hungay kaisa insane
hai, apni dhun main mast muskuraye ja raha hai, no koi wajah na koi
samaa. Kartay kartay maira utarna ka waqt aur jagah aahi gaye, main bus
say utra aur ghar ki janib rawan hu gaya. Dil thamay, khushi dabaye main ghar kay darwazay per pohonch kar bell per hath rakh kar bhool hi gaya kay hath uthana bhi huta hai. Chotay bhai nay darwaza kholtay hi sawaal kia, kay kya huwa bhaiya? Mainey muskura kar kaha hu gaya,
andar aya tu sab ko kay chehray is khushkhabri say youn khil utthay kay
jaisay sehra main kaain barson baad sawan ki rut chali hu. Ye khushi
kay pal ju meri zindagi main aye they, youn mehsus huta tha kay jaisay
ab waqt agaya tha kay taqdeer nay kuch karwat badal dali thi. Khuda kay
huzur sajda rez huwa tu aankhain na reh saki, zar-o-kataar aansuon nay
bhi khuda kay huzur shukr ada kia. Wu suna tu tha hi kay khuda kay haan
dair hai andher nahin, ye aik line aaj mujhey baar baar yad arahi thi.
Kitni beshumaar naimaton say nawaz rakha hai maula nay, aur nawazta
chala jata hai, belaus
pyar hai us khuda ka apnay banday say, na amaal dekhta hai na buraiyan,
bus nawazta hai apnay banday ko unghinat naimaton say, per banda hai
kay hamesha hi nashukri kartay kartay zindagi guzar deta hai, us
khaaliq-e-qainaat say gilay shikway kartay guzar deta hai. Insan bhi
bara hi ajeeb hai, mushkil ki ghari aur pareshaniyon main khuda ko har
pal har waqt yad karta rehta hai, aur jab khushiyan uski zindagi main
aati hain tu wu bajaye iskay kay apnay usi Rabbul Izzat kay huzur jhuk
kar, sajda rez hu kar shukr ada karay, un khushiyon main kho jata hai.
Kya faida aisi khushiyon ka kay jin main kho kar apna Rab yad na rahay.
Mujhey hamesha younhi lagta tha kay jaisay meri dhukon bhari zndagi
main kabhi bhahar nahin ayegi, per jab wu aye tu aisay aaye kay mairay
wehem-ogumaan main bhi na tha.
Udasiyan bhi kya ajeeb cheez hain, na hu tu khushi, aur hu tu mayoosi hi mayoosi.
Mujhay faqr hai k mujhay tum jesa dost mila :)
ReplyDelete