JAB SAB JAANAY LAGAY

meray sawalon ko jab jawab milnay lagay
log bewaja meri zaat main ulajhnay lagay
zakhm saaray ju lagay, hain tar-o-taaza
dard kay badal phir say chaanay lagay
khud ki talash main niklay tu naakaam rahay
na milay hum, na khuda, hosh janay lagay
kisi intezaar main bethay rahay sara din
aur shaam ko parinday ghar ko janay lagay
sochtay hain safar main khasa wakt para hai
dil, dimaagh, badan, sab murjhanay lagay