TERE LAFZON KI SIYAAHI

teray likhay un khatoot ki,
siyaahi ab tak geeli hai
na khud say sookhna chahti hai
na main khushk hunay deta hun
wu saray lafz teray
main baar baar parhta hun
unhi kaghaz kay panno per
main aksar let jata hun
thakan say choor choor jab
aankhain band huti hain
teri hi yaad aati hai
wu saray lafz teray
aksar bheeg jatay hain
main din ki roshni main phir
buhut sa wakt bita'ata hu
sukhata hun ik ik lafz
sookhnay kay baad bhi
siyahi geeli rehti hai