Chalay tu badalnay thay ye reet riwaiyatain, ye kab maloom tha kay khud hi badal jaingay, wakt kay ghoray bhaagtay rahay aur tez tez bhaagtay rahay aur kuch bhi badal na paya, jism thakan say choor choor, himmat ab maand parnay lagi thi, per koshish jaari rahi, ummeed ki lagam thamay wakt kay ghoron per sawar rahay, aagay barhtay rahay per manzil tu jesay dur say dur huti chali gaye. Aakhir kaar himmat nay bhi jawab de dala, ab wu wakt aachuka tha kay jab auron ki tarhan chup saadh leni thi humain, sab bhool jana tha, wu sab koshishain ab chor dena thi, so wohi kiya ju wakt ka takaza tha, sawalia nighaahain Rab-ul-Izzat ki jaanib datti rahi aur main sab haar gaya
Jeet kabhi naseeb na thi aur haar kar bhi raha malaal....
Jeet kabhi naseeb na thi aur haar kar bhi raha malaal....
No comments:
Post a Comment
Note: Only a member of this blog may post a comment.